Sinhala Language & Literary Unitරාජකීය විද්‍යාලීය සිංහල භාෂා හා සාහිත්‍ය ඒකකය

චන්ද්‍රසේන තලංගම නොහොත් අතීතයේ සිට වර්තමානයට ගී ලියන්නා , ශ්‍රී ලාංකීය පුවත්පත්කරණය හා සංගීත ක්ෂේත්‍රය එකට සම්බන්ධ කළ දුර්ලභ රසවත් චරිතයකි.
1944 දී තලංගම ප්‍රදේශයේ උපත ලැබූ ඔහු, 1980 දී “තලංගම චන්ද්‍රසේන” නාමයෙන් පුවත්පත්කරණ වෘත්තිය ආරම්භ කරමින් සමාජය, මනුෂ්‍ය ජීවිතය හා යථාර්ථය පිළිබඳ ගැඹුරු ලිපි රචනා කළේය. ඔහුගේ ලියවිලි තුළ පැහැදිලි සමාජ සංවේදනාවක් දැකිය හැකි විය.
දිගු කාලයක් පුවත්පත්කාරයෙකු උව ද ඔහුගේ ජීවන අත්දැකීම්වලින් උපන් ගීත රචනා බොහෝ කාලයක් සැඟවී තිබුණි. ඒවා සංගීත ලෝකයට හඳුන්වා දීමේ ගෞරවය හිමිවන්නේ චරිත අත්තලගේටය. 2017 දී නිකුත් වූ ඔහුගේ ප්‍රථම ගීතය “සංසාරයේ මං” ඔහුගේ සංගීතමය ගමනේ වැදගත් ආරම්භයක් විය. ඊට පසු කුවේණි, දුර අකාහේ,නැවුම් කළේ,ධෝලේ,දුවේ,සොයා ආවා, නාඩගම් ගීය ,රාධාවනී වැනි ගීත රැසකට ඔහුගෙන් නූතන ගීත කලාවට එකතුවිය . ආදරය, ඉතිහාසය, සංසාර වේදනාව හා නවීන සමාජ ප්‍රවණතා වැනි මාතෘකා තම ගීත වල රසය කරගත් ඔහු තම ගීත බොහොමයක් වර්තමාන තරුණ පරපුරේ මුවගේ නිතර නංවන්නට සමත්විය.
වයස අවුරුදු 82 දී ඔහු අප අතරින් වෙන්වූවත්, චන්ද්‍රසේන තලංගමගේ වචන හා සිතුවිලි ශ්‍රී ලාංකීය ජන හද තුල අමරණීය මතකයක් රැසක් ඉතිරි කරමිනි.
#Livisari'25
#Rcsllu'25
#since 1967